Tuesday, February 12, 2013

ఙ్ఞాపకాలు ....

గోడమీది పటాలు పకపకా నవ్వినప్పుడైనా
నదిలా తప్పుకుని పోవడం మానేసి
సుడిగాలిలా కాలాన్ని తవ్వుకోవాలి

వేళ దాటి నిద్రించే ప్రతి మొగ్గనీ
సూటిగా ప్రశ్నించే కాంతి రేఖకు మల్లే
మనకే తెలీని మన లోపలి మూలాల్ని వెతికిపట్టి
నిత్య వసంతాన్ని చూపిస్తాయ్
ఙ్ఞాపకాలు ....

లేత పవనాలు

చపాతీ వత్తే చేతులు
గాజుల గల గలలు

మాల కట్టే
వేలి కొసలతో
పూల గుస గుసలు

పూ పెదవుల్ని
తుమ్మెద ముద్దాడినపుడు
పిట్టలై ఎగిరే పుప్పొడి రాగాలు

లిఫ్ట్ లో దొరికే
లిప్త కాలపు ఏకాంతంలో
గుండెలో చినుకుల చప్పుళ్ళు ...