Tuesday, August 3, 2010

మేఘం మనసారా నవ్వింది.

చిరు చీకట్లు కమ్ముకుంటుండగా పరుగు పరుగున వచ్చి ఆఫిసు బస్సులో కూచున్నాక, సెల్లు లో ఇళయరాజా మెలొడీ వింటూ కళ్ళు మూసుకున్నాను. రెండు క్షణాల్లోనే అనుకోని అతిధిలా మట్టి పరిమళం పలకరించింది. ఆశ్చర్యంగా కళ్ళుతెరిచి చూస్తే ఇంకేముంది? బస్సు అద్దాలమీద కేరింతలు కొడుతూ చినుకులు చిందులేస్తున్నాయి. 
 
ఎక్కడో మనసులో రేగుతున్న ఎదో అలజడి మనసులోనే కరిగిపోయింది. మనసారా మేఘం నవ్విన సవ్వడికి అలసటంతా ఎగిరిపోయింది.

దశాబ్దాలుగా వర్షాన్ని చుస్తున్నా, ప్రతిసారీ వర్షం కొత్తగానే ఉంటుంది కదూ ... :-)