Friday, December 16, 2011

వెన్నెల ప్రయాణం

ప్రవహించే కాలంతో
ప్రకృతి పాట వెతుక్కుంటూ
మౌనంగా సాగిపోయేదాన్ని.


దేవుడు సృష్టించిన
రహస్య కొలనులో
కలువలా నువ్వు వికసించడం తెలిసాక


తామరతూడులాంటి నీ స్పర్శకి
నేనో జలపాతాన్నై
కోటి ఆశల పూలపడవలతో
నీ వైపే ప్రవహిస్తూ ...


నీ అలల కదలికల మధ్య
చంద్రబింబాన్నై
నా ఒడిలో నిన్నే చూసుకుంటూ ...


నీ రూపాన్ని ఊహించే ప్రయత్నాన
నేనో ఆకాశాన్నై
మేఘాల దొంతర్లపై
వేల చిత్రాలు గీసుకుంటూ ..

.
నవమాసాల వెన్నెల ప్రయాణంలో
నేనే ఆ పచ్చటి పాటనై
ప్రకృతినే లాలిస్తున్నా .