Saturday, January 15, 2011

మాయ చేసే మూన్నార్ ...

క్రితం వారం పెద్ద ప్లాన్ లేకుండా అప్పటికప్పుడు అనుకుని మూన్నార్ వెళ్ళాం.


వెళ్ళేముందు కొద్దిగా రిసెర్చ్ చేస్తే కొచ్చి దారికన్నా కోయంబత్తూర్ దారి చాలా బావుంటుందని తెలిసి కోయంబత్తూర్ ద్వారా వెళ్ళాం.



కోయంబత్తూర్ నుంచి ఉడుమల్పేట్ దాకా వేడి వాతావరణమే ఉంటుంది. ఉడుమల్పేట నుంచి దారి ఎంతో అందంగా ఉంటుంది. కేరళా ని God's own country అని ఎందుకన్నారో మెల్ల మెల్లగా అర్థమవుతూ ఉంటుంది. ఆ ప్రయాణం అంత అద్భుతం. ఎత్తయిన కొండలమీదనుంచి మన బస్ వెళుతూ ఉంటే, మనం ప్రయాణించే దారికీ , పక్కన కొండలకీ మధ్యనున్న లోయలో సెలయేరొకటి మనతో పాటే పయనిస్తూ దారంతా కనిపిస్తుంది. బస్ కిటికీ లోంచి ఘాట్ రోడ్డు అంచులమీద కాపలాగా నించున్నా చెట్లమధ్యలోంచి ఆ సెలయేటిని వెతుక్కుంటూ ప్రయానించడం లో ఏదో గమ్మతైన హాయి.


ఆ దారిలో ఎన్నో చోట్ల ఇదే సెలయేరు అద్భుతమైన జలపాతంగా దర్శనమిస్తుంది. బండరాళ్ళమీంచి పాటపాడుకుంటూ వయ్యారంగా దూకే ఆ సెలయేటిని చూస్తున్నంత సేపూ ఇస్మాయిల్ గారి సెలయేరు కవితే మదిలో మెదిలింది.


" సెలయేరా సెలయేరా

గల గల మంటూ నిత్యం

ఎలా పాడగలుగుతున్నావు?



చూడూ ...

నా బ్రతుకు నిండా రాళ్ళు

పాడకుంటే ఎలా ... "



లోయలమధ్యలో అందమైన రహస్యాలని వెత్తుక్కుంటూ పచ్చటి ఆ ప్రకృతిలో మమేకమవుతుంటే మనసు చేసే ఏ అన్వేషణకో నిజంగా దేవుడి ఇంటికే వచ్చినట్టున్న ఈ ప్రకృతే ఆఖరిమెట్టేమో అనిపిస్తుంది.
 
మున్నార్ లో జనసాంద్రత చాలా తక్కువ. అందుకే అక్కడ ప్రకృతిని, ఆ పచ్చదనాన్నీ చాలా సహజంగా ప్రశాంతంగా ఆస్వాదించగలం.
 
మీ కోసం ఇంకొన్ని ఫొటోలు ....
 










2 comments:

  1. Serene is the word to describe. Nice photos.

    ReplyDelete
  2. Got busy with routine and lost track of your blog for quite some time...Got back to reader and was happy to see 4 new posts from you.

    Nice snaps and good description. Mee favorite writer kavita mention chesaaru sare, aa siuation lo meeku kooda okati rendu kavitalu vachi untaayi kadaaa....avi eppudu post chestaaru mari..?? :-)

    ReplyDelete